秘考5萬月薪AO 黃文意密冚身材見工

2022年01月16日 23:01
東網電視
更多新聞短片
「十億千金」黃文意(Mandy)近半年未有公開露面,有身材兼有腦的她被爆原來去了考政府「神工」AO,日前一身OL打扮的她又被發現在政府場地出入,疑似踩過界打政府工!
Mandy自去年年中宣傳主演劇集《寶寶大過天》後,近月一直沒露面,有讀者發現擁港大比較文學與文化研究碩士學歷的她,最近竟然疑似踩過界做政府工,被發現面試起薪月入達5.5萬的政務主任(AO),及後又被目擊出入香港文物探知館,疑似在上址返工。
一身黑色OL斯文打扮、密冚驕人身材的她,日前在午飯時間在尖沙咀咖啡店買咖啡,現時疫情嚴重,她特地揀選人少地方坐低,飲幾啖後很快就步行前往附近的香港文物探知館。進館後她見周圍冇人,就坐低抹汗補妝,然後秒速戴回口罩,以策安全。期間又見她不停撳電話,似乎十分忙碌,接着就快步走進其中一間辦公室,久久未有出來。
東網事後致電Mandy,她坦承曾考AO,因想挑戰自己:「我嗰陣聽班公務員碩士同學分享,覺得政府考核有挑戰性,我都好多年冇參加過公開筆試咪試吓,都想了解自己對社會民生嘅分析能力,結果好幸運地獲邀參加面試,係難忘嘅體驗,不過我都係由學習心態出發,始終香港有太多範疇我唔熟悉,我都係做番同藝術有關嘅行業好啲。」她續謂其實去年參加了政府開設的藝術行政見習計劃,被影到當日只是去上址聽講座,現亦已完成該計劃,她謂:「都係之前啲同學介紹呢個短期計劃畀我,呢個計劃畀我哋短期體驗點樣管理表演場地,除咗做演員,我對演藝行業架構都好有興趣,想更了解幕後、行政人員嘅工作同目標,咁樣我先對TVB有長遠貢獻。」
問到之後可會全職轉做OL還是繼續做藝人?她坦言:「其實我一直都專注喺TVB發展,公司亦安排咗好好嘅資源畀我,例如《寶寶大過天》嘅主演機會,但我認為做藝人之餘,亦要繼續增值自己,將來先可以有機會回饋TVB,雖然近年我花咗更多時間同精力喺演戲以外嘅事,但其實係為咗喺演藝知識方面更加專業。」