鄧月平潛水一樣性感　拉拉鏈露事業線

踏入冬季，女星甫喺社交網嘅性感泳裝賣少見少，不過多得近日氣溫回升，網民又有眼福了，今次為大家派福利圖嘅就係擁有天使面孔、36F魔鬼身材嘅鄧月平。

佢見呢幾日「藍藍天高掛我的夢」，最啱「深海潛入最深追逐確與眾不同」，所以就決定出海，着潛水衣潛入深海最深處，不過唔好以為潛水衣一定冇嘢睇喎，有料嘅人同火一樣係包唔住嘅，本身佢嗰件潛衣衫包到上頸，但只要輕輕拉開胸前嗰條拉鏈，嘩！簡單全世界都唔同埋，由平平無奇，變成奇峰凸出，佢嗰件潛水衣，因為實在、實在、實在太緊身關係，唔知係意外定意料之內，逼到佢嘅36F上圍嗰條事業線，變得特別直、特別長，好有逼緊嘅3D效果。

睇到人哋流晒鼻血嘅佢，仲好風騷咁拗晒腰，用手指翹頭髮，造型成個港版羅拉咁，佢仲留言話「魚樂無窮系列」，但有網民覺得係「乳樂無窮」至啱，話佢性感到犯晒規。