雪地放閃無極限！何超蓮同竇驍愈嚟愈有夫妻相？

賭王千金何超蓮認戀內地男星竇驍後愈愛愈高調，不時情侶檔現身公開場合兼亮相節目，又透過社交網晒恩愛，閃光彈放唔彈。早前佢哋就去到滑雪，呢對小情人大玩雪地搏擊，兩個玩到忘晒形，仲瞓喺雪地打雪球戰，之後竇驍又抱起超蓮，大玩公主抱，並合力做出大型心心手勢，配埋身後雪景，相當浪漫。另外，超蓮晒出另一段雪地自拍片段，本來以為佢自己一個出鏡冇特別，但有網民發現佢着咗男友嘅雪褸，更有網友指男友風打扮嘅超蓮同竇驍撞晒樣，笑指2人愈嚟愈有「夫妻相」。