Baby冇影？黃曉明賀仔仔生日　吸1.6億人睇

內地藝人黃曉明與太太Angelababy不時被傳出婚變，舊年仔仔「小海綿」4歲生日，黃曉明冇再等Baby出Post轉發，反而係自己主動零時4分發文，點知到咗今年都一樣，佢喺今日（17日）零時5分發文，打出手掌及蛋糕公仔，即代表祝小海綿5歲生日快樂，非常有心。估唔到佢一個慶生Post，竟然吸引得1.6億閱讀量，令「#黃曉明凌晨發博為小海綿慶生」話題登上熱搜。相反媽咪Angelababy就暫時未見發文，唔知係咪等緊小海綿嘅慶生相出爐呢？