Edan為花姐護航!姜濤被爆筲箕灣有新居:租嚟擺嘢

20220117
東網電視
更多新聞短片
MIRROR成員姜濤、陳卓賢(Ian)、呂爵安(Edan)、邱士縉(Stanley)與ERROR成員郭嘉駿(193)及梁業(肥仔)今日(17日)現身ViuTV新劇《季前賽》的記者會,故事跟籃球比賽有關,但疫情下籃球場被封,眾人未能練波,他們笑言靠打遊戲機來練習,姜濤說:「我會跑步或者喺屋企睇多啲籃球比賽嘅片。」對於近日被爆筲箕灣有新居,他坦言:「嗰個地方主要係租嚟放嘢,因為銅鑼灣屋企唔夠大,而且每逢節日嗰區就好多人,唔方便,我係人多先會過筲箕灣住幾日。(被爆有新居會唔會唔開心?)做藝人都預咗,希望大家畀啲空間我。」
講到姜濤拍片為病童小天瑜打氣,問他是否會去醫院探望對方?他稱之前跟天瑜爸爸語音傾偈:「依家疫情,連家人都探唔到病,如果疫情轉好,我會跟公司商量。(會點同佢打氣?)睇佢哋想我做咩。我做到嘅有限,我係想畀多啲人知道呢件事。我唔肯定佢係咪因為我嘅歌而有反應,但如果幫到佢,我會好開心。」
戥COLLAR人氣強勁開心
另外,女團COLLAR人氣強勁,新歌推出2日點擊快過MIRROR破百萬,問他們會否感威脅?Stanley大方表示戥對方開心:「大家都想見到成個娛樂圈好蓬勃,有競爭先有進步,百花齊放,何況佢哋係我哋師妹。(鏡粉不滿公司將資源投放晒女團。)我哋係可以再做好啲,聽到大家嘅聲音,好似姜濤首新歌都喺社交網整咗個新排版宣傳啦!(花姐成眾矢之的,話佢管理不善。)佢有百足但都冇咁多爪啦!」Edan亦為花姐說好話,指已聽到大家的意見,會愈來愈進步。
提到MIRROR演唱會的藍光碟今日推出,193及肥仔聞言便叫他們送碟以作炒賣,即時被Edan打頭,又指不會幫他們簽名,對於甫推出便被炒貴逾倍,Edan說:「唔支持鼓勵去炒賣,隻碟係比冇機會睇演唱嘅朋友去感受。如果需求好熱烈,會同公司反映再加印。」最後他要肥仔及193承諾不炒賣,才肯送碟給二人。
多謝粉絲心意
而1月21日生日的Edan獲粉絲豪花6位數在空中花園搞展覽,他表示多謝粉絲的心意:「呢個展覽可以畀粉絲一齊開心同慶祝吓,如果有機會我都會去打卡,因為係Fans Club搞,所以我都借出咗自己嘅戲服同物件。」此外,193預告為新劇可能要剃光頭:「我係偶像派,希望可以畀我留番啲陰。我個臉型冇Lokman咁靚,光頭會好肥。」Edan笑言若只有流海的話會似河童,也算是帶領潮流。