陳敏之生日開工!馮盈盈等過年同筍盤拍拖?

2022年01月17日 21:02
東網電視
更多新聞短片
藝人陳敏之與馮盈盈今日(17日)為無綫真人競技綜藝騷《識貨2》開工,適逢敏之43歲正日生日,製作組細心送上蛋糕,有份參與節目的藝人也齊齊唱生日歌,氹得壽星女開心非常。
雖然要工作過生日,但敏之揚言不介意,更指將連續開工3日,絕對是好兆頭,寄望日日有工開,問到老公及兒子有何表示?她說:「呢個星期不停去媽咪、奶奶屋企食飯,慶祝咗好多次,林盛斌仲送埋個海鮮盤菜畀我打邊爐,個仔畫咗幅好靚嘅畫畀我,老公呢排鑽研緊香薰,佢送咗個好靚嘅香薰擺設畀我。(佢係咪想做呢方面生意?)我覺得佢會,仲叫我一齊去讀有關課程,之後研究吓點帶貨。」
搵林盛斌介紹筍盤
而早前踩入NFT(非同質化代幣)市場的盈盈,則表示生意不錯:「我都仲有啲存貨嘅,主要係藝術品同水晶手鏈,貨品有平有貴,平到幾千蚊都有。(呢排冇拍劇,想主攻做生意?)我努力學習中,之前去學中醫食療法,增值吓自己,對自己做直播都有用。」問到何時再入劇組?盈盈表示要等公司安排,敏之聞言即打蛇隨棍上:「咁有冇拍拖?」盈盈說笑指要等多陣,記者提議她搵林盛斌介紹筍盤,盈盈說:「有搵,佢話送個新年禮盒畀我囉!」