鍾欣潼「啜奶大法」吸1,200萬人睇

20220118
東網電視
更多新聞短片
藝人鍾欣潼(阿嬌)出名愛飲珍珠奶茶,曾經試過喺香港接受隔離期間,因為同好姊妹蔡卓妍(阿Sa)玩FaceTime時講咗一句:「好想飲珍珠奶茶」,結果阿Sa二話不說,火速送咗杯去阿嬌門口畀佢止癮,而阿嬌飲珍珠奶茶時個樣十分滋味!
日前有網友喺社交網甫咗阿嬌飲珍珠奶茶嘅連環圖,相中見佢塊臉仲好瘦,應該係以前影落嘅舊相,見佢紮咗頭髮,身穿吊帶裝,雖然打扮一啲都唔性感,不過表情就夠晒豐富。由佢輕托香腮、闔埋眼,再擘開眼向右望,「木」起個嘴,再低頭好用力咁狂吸飲管後開懷大笑,啜完一輪嘅阿嬌特別充滿正能量。就係阿嬌呢一幕「啜奶大法」太真情流露,所以呢個post只係2小時,瀏覽次數超過1,222萬。
同時有唔少網民討論佢「吸奶」樣:「阿嬌喝奶的樣子很真實」、「喝奶茶的動作好熟練啊,一看平時就沒少喝」、「阿嬌飲奶美如畫」,原來阿嬌飲啖奶茶,喺網民心目中係盛事,所以話女神做乜都係新聞!