Gin Lee被曱甴爬上身 冷靜被譽為「堅姐」

20220118
東網電視
更多新聞短片
歌手Gin Lee(李幸倪)2018推出《很堅強》這首歌,從此粉絲幫她起了個花名叫「堅Lee」,她算唔算硬淨?她笑說:「都算OK!」並分享一件有趣事,話說有次做完嘢她上保母車離開,因為她好肚餓,司機就車她到一處買嘢食,她說:「度門一開,我就feel到有嘢飛喺我身上,因為車廂少少暗,『咦曱甴喎!』望一望係好大隻曱甴,喺我身上走嚟走去,跟住我望住司機,點解有曱甴喺車,跟住助手勁驚,司機都好慌,要即刻搵架生消滅佢。」但全程她表現平靜,司機都助手就話:「唔怪得叫堅姐。」
Gin笑言本身唔驚曱甴,所以當下她冇嘢,亦冇諗住撥走,只係叫司機快快搞掂佢,她說:「我估係飛入嚟,我諗唔到佢哋咁大反應,因為司機哥哥有車其他Artist,我仲話好彩係我咋,換轉其他人(嚇)死咗,佢可能有事會畀人鬧,我返到屋企諗到個場面都笑咗。」她笑言年紀愈大就由堅Lee變咗做堅姐。