妮歌潔曼新片「撤港」 莫麗淇一講實情口窒窒

2022年01月18日 11:02
東網電視
更多新聞短片
4度獲金球獎影后殊榮的澳洲女星妮歌潔曼(Nicole Kidman)去年來港拍攝電視劇《Expats》,但全球疫情因變種病毒Omicron加劇,劇組索性將在美國搭景繼續拍攝,而香港攝影圑隊解散。
之前有份拍攝《Expats》的飛機師藝人莫麗淇(Niki),懷念和劇組開工的日子:「劇組真係超級細心,有專人會照顧你凍唔凍、幫你換鞋,仲有人哋嘅特技、置境真係好勁,突然間成個場景橫風橫雨!不過導演同妮歌潔曼有冇『打大風(意見不合)』?呢啲唔好講啦!近日可能受到疫情影響,暫時都未收到拍攝通知,咁我都會Ready個期隨時拍攝。」
雖未知能否再跟金球獎影后結緣,但Niki不愁沒收入,除最近和網紅如香珮汶(Monique)、陳倖瑤(Ciwi)、關悅鳳(Angela)及小豆呢為網絡平台拍攝廣告外,又在網上開Live吸粉絲收「禮物」,結果賺了半億平台貨幣,市值近600萬港元,被封為「半億主播」,Niki話:「疫情下有咁嘅收入梗係滿意啦,但係就唔刻意諗點花呢筆錢,留住先囉!」又指受到疫情影響,其飛機執照慘變「雪藏牌」,笑言要花時間再進修「操機」:「其實我都好熟揸飛機嘅,可能要半小時去Warm up搵番啲感覺,要等到冇疫情嘅時候,返番去美國再進修吓個飛行知識。」