「道明寺」上身！言承旭新戲頭巾造型惹熱議

現年45歲嘅台灣男星言承旭於2001年憑劇集《流星花園》「道明寺」一角紅遍亞洲，成為其代表作，即使至今相隔21年，角色依然不時被重提，而去年佢亮相內地真人騷選秀節目《披荊斬棘的哥哥》時，亦再唱主題曲《流星雨》又隔空合體女主角「杉菜」大S（徐熙媛），喚醒大批劇迷回憶。

近日佢被拍得為新戲《夏花》開工，見佢以短Tee造型示人，加上頭上綁有頭巾，即時令人聯想起當年「道明寺」嘅經典頭巾造型，大批網民指佢相隔多年後再次「道明寺」上身，但依然零違和，大讚「言承旭夢回道明寺」。