網友嗌閂Filter現真身　楊超越嗲爆：你女朋友都沒關美顏

內地人氣女星楊超越雖然係前女團火箭少女101成員出身，不過佢就一啲偶像包袱都冇，日前佢開直播同粉絲傾偈時，一開波就被發現熄咗個「打賞功能」，指唔想粉絲唔識「珍惜錢財」先討好一眾網友。

雖然女神出力氹網友開心，但仍被網友寸佢濾鏡太重，開到聲叫佢「關美顏」，一向愛做Drama Queen嘅佢，忽然嚟個無辜樣，扁晒嘴仔咁嗲爆對方：「我才不呢！我不喜歡！我不想！為甚麼要讓我關美肌？你怎麼不讓你女朋友關美肌呢！你女朋友都沒有關！」以搞笑手法推開現真面目「危機」，點知就深得網友歡心，狂讚佢轉數夠快，見到佢咁Cute都唔忍心再逼佢，更加有網友話睇佢直播真係開心過睇綜藝節目，抵佢一直爆紅人氣有升無減。