COLLAR出現「集體欺凌」？仙氣Candy成眾矢之的

ViuTV新女團COLLAR人氣爆燈，其中成員Candy（王家晴）一直都係顏值兼仙氣擔當，唔單止吸引早前有人夫「冒死」為佢打氣，其私底下貪玩嘅性格亦大受團員歡迎，不但因為好似蚊咁經常撩人而被封「蚊子擔當」，仲成為咗「團欺」，亦即團隊中欺負開玩笑嘅對象。近日佢先被Gao公開食相，又以魚眼鏡頭拍低醜態照，之後輪到Ivy So發功，喺拍攝造型照時調戲Candy，並用大眼仔拍照濾鏡偷拍Candy怪雞樣，就連Marf玩濾鏡時，第一個落手嘅都係Candy，可見佢真係好玩得！