雙腳凌空舉啞鈴︱麥大力「神技」向偶像李小龍致敬

無綫舉辦的「衝上雲霄大選」冠軍的麥大力（Derek）混血外表加爆肌身形，秒殺唔少女粉絲，而佢都毫不吝嗇身材，經常將爆肌相及做GYM照放上社交網發放福利，今日（18日）佢又表演「神技」，就係雙腳凌空舉啞鈴，只係用膊頭支撐身體同埋啞鈴重量，出盡力嘅麥大力成身肌肉都繃緊，見到真係一舊舊出晒嚟，原來呢個動作係佢同偶像李小龍致敬！

佢英文留言話，大約內容如下：「小時候在香港長大，有一個很敬佩的偶像，他將香港電影及武術帶到全世界和一個新的高度，我敢打賭好多香港男仔都會重現佢電影中嘅場景同動作，所以我喺呢度嘗試模仿傳奇人物李小龍！」