陳展鵬晒「蛋糕的愛」　唐詩詠爆翠如唔介紹男仔原因

無綫劇集《鐵拳英雄》演員陳展鵬、唐詩詠、陳山聰、姚子羚、伍允龍等今日（18日）在將軍澳電視城宣傳新劇，劇集首播7天跨平台總收視錄得24.8點，是自2021年1月以來二線劇首播排第2位。席間陳展鵬與陳山聰以雙腿挾住氣球玩「爆波」游戲，被唐詩詠以高踭鞋踩爆氣球，相當驚險，眾人起哄笑說：「佢哋仲要生㗎！」

陳展鵬剛度過45歲生日，他指生日過得相當甜蜜，除了有女兒唱歌祝賀，更有太太單文柔送上箭豬蛋糕，他笑說：「個蛋糕寓意係萬箭穿心，其實係叫我預到咩都唔使驚，有佢保護我，諗住擺到佢發住咁過年。太太由未拍拖已經開始親手整蛋糕畀我，呢個仲整咗10個鐘，可能佢都知道我養妻活兒辛苦。」

正在休息的唐詩詠被問到可有約會？她笑說：「本來諗住趁放假夜晚可以出去食吓飯，但係依家冇啦，唯有留喺屋企自己陶醉吓，遲啲諗住同黃翠如去學吓插花。（翠如冇介紹啲男仔畀你識？）佢依家唔敢，因為之前失敗過，佢都係選擇陪我就算，隨緣啦。」她又笑言正在等待「金牌媒人」林盛斌開婚介公司。