林穎彤變身爆炸頭師奶 畀棍揈中啪啪聲

2022年01月18日 19:01
東網電視
更多新聞短片
連續第4年擔任財務公司代言人的林穎彤(Bella),全新廣告系列早前已經見街,幾乎全港鐵路沿線都會見到她的搞笑爆炸頭造型。據知,由於上一輯廣告,她的爆炸頭家庭主婦造型大受粉絲及客戶愛戴,於是在新一輯廣告中,決定延續經典造型。
她說:「好感恩,其實2019年第一次可以同客戶合作已經好開心,無諗過4年後嘅今日繼續用我,其實同拍攝團隊合作都好難忘,尤其係舊年嘅爆炸頭家庭主婦造型,現場個個見到都話好搞笑,估唔到呢個髮型會變成一個icon,新一輯廣告延續爆炸頭之餘,我仲要扮日本學生妹、韓國大媽、Michael Jackson、李小龍等等。」廣告中除了演活多個造型,她還要發揮語言天分,扮日本學生妹講日文、扮韓國大媽講韓文,扮MJ講英文,但Bella最難忘卻是扮李小龍。
她又說:「拍攝團隊好好,一早錄定韓文、日文畀我練習點講,但講到扮李小龍,淨係要着住佢套黃色戰衣,我真係食多少少嘢都唔敢,之後仲要耍雙截棍,我本身玩都未玩過,但要扮到好識耍、好有型,好多次條棍揈中我身體『啪』一聲,證明我好畀心機,希望耍好雙截棍,但現場班工作人員就好擔心我,驚我會受傷。」
即將踏入虎年,Bella新一年的工作計劃已開始籌備中:「剛剛播完《十月初五的月光》,入面戲份比較重,自己都好用心去拍,嚟緊除咗會繼續做綜藝節目,近排開始籌備錄新歌,同監製、作曲人開過會,新歌會加入自己嘅想法,參與度比以前多,想透過音樂,畀大家了解我多啲內心世界,所以虎年最大心願,希望會有好嘅音樂作品帶畀大家。」