斗嘴系相处方式︱李靖筠同男友吵大镬靠食降火

英皇歌手李靖筠（Gladys）歌影视三栖发展，虽然工作忙碌，但与拍拖3年多的圈外男友感情稳定，她指对方很体谅其工作，又笑言双方同是追求自由度大的人：“佢同我都唔系好锺意覆机，但晚晚都会倾偈，唔锺意成日黐埋一齐。（唔怕男友唔知去咗边？）有信心嘅，佢唔会担心我，成日讲‘你喺出面都冇人要㗎啦’，我就话‘你估你好易搞呀！’”

讲到二人不时互相斗嘴“嫌弃”，Gladys笑言很珍惜这种相处方式，不讳言试过为小事吵架：“但我哋慢慢磨合搵到解决方法，知道大家脾性，有啲位唔掂得，了解咗对方自然会避开‘地雷’。”又自认好快“降火”：“可能佢求其问一句‘食咩？’就会好似冇嘢咁应番佢，一食好嘢就会唔记得，哈哈。”

冇打算生BB

虽然感情稳定，但Gladys坦言未有结婚计划：“佢都冇谂住，大家都想发展事业先。（女仔青春有限？）可能我唔系好恨有小朋友，冇乜timeline要追。”续笑说：“唔特别向往婚姻，但就好向往婚礼，全班朋友聚埋一齐饮酒食嘢，我系纯粹想搞个party，大家喺海边饮酒吹水。（咁会唔会结婚？）完全冇倾过，但觉得佢（男友）系长线对象。”

服装：BEAMS

发型：Zivyeunghair@leonardo3haircorner

化妆：Angel Mok