天后終於返港!容祖兒7個月後回歸歎媽媽靚菜

2022年01月19日 12:01
東網電視
更多新聞短片
樂壇天后容祖兒去年5月自內地返港,逗留個半月又飛回內地繼續工作,相隔7個月後,尋日(18日)她在社交網上載乘飛機的相片,興奮宣布「愛回家」:「媽咪唔該今晚等埋我食飯。」連王敏奕都戥佢開心留言說:「Welcome Back。」
今日(19日)祖兒就上載到埗相,見佢拖住姪女一齊溫馨返屋企嘅相,同家人團聚溫馨暖心,佢仲自爆姪女同佢爭寵:「我最surprise係有隻小豆丁攞住摘花等我同埋同我講”welcome back 姑😭😭小朋友真係大得好快,上一次返嚟仲係只係啱啱學識行路,今次返嚟已經同我爭寵,媽咪摸吓我把頭髮都唔得,係我媽咪呀!佢話嫲嫲係佢㗎!」之後佢又晒出食媽咪親手落廚嘅佳餚,枱面見有靚粥同唔同餸菜,容媽媽雖然見到阿女好興奮,但都知道祖兒要Keep靚身形,所以今次未有大魚大肉令囡囡破戒。
而未前港前,她偕好姊妹蔡卓妍(阿Sa)、鍾欣潼在內地網上直播帶貨,引來網民熱議說:「打死也沒想到,香港樂壇天后和殿堂級女子組合Twins,有一天要去直播間賣辣條。」又指3人表現落力,其中阿Sa更邊食邊講,期間見她們不時眼望前方,就有網民問:「是看提詞器嗎?」據網民稱她們以英皇「龍虎豹」姿態帶貨,全因配合由3人主持的內地綜藝節目《因為是朋友呀》宣傳,估計非純粹為賺錢,且在節目中又獻唱了不少Hit歌,粉絲大叫大飽耳福。