畀蕾神之錘嚇到怕怕　王力宏孖密友對話內容曝光

台灣天王王力宏同李靚蕾多次隔空開戰，戰火看似暫緩，加上王力宏喺內地人氣亦未被打沉，佢同方文山合作嘅新歌《天地龍鱗》剛推出就衝上內地音樂排行榜冠軍之位，網友更狂讚首歌好聽到爆，直頭正到係上春晚表演嘅曲目，天王地位睇嚟仲保得住！不過風波一日未完，謠言都繼續滿天飛，近日就流傳王力宏遭李靚蕾連番指控同爆料後，心情依舊相當平靜，台媒自稱得知佢同友人聯繫時，心情仍然算平靜，有些話還能以「哈哈」回應。被問及會唔會恨前妻時？佢表示：「心中本來就沒有恨，只剩害怕而已。」

此外，有傳李靚蕾之前口中多次提及握有王力宏外遇證據，但遲遲未有公布，傳聞指佢取得手段恐違法，無法擅自公諸於世。