直認感情真空!陳海寧落閘193:我想要財運多啲

2022年01月19日 16:01
東網電視
更多新聞短片
藝人陳海寧(Dee姐)與黃正宜(阿正),今日(19日)現身新年活動,Dee姐表示自己向來比較傳統,每逢大時大節定必請假陪家人,她說:「年廿九開始放假,同屋企人食團年飯、拜年,會蒸糕,因為我好鍾意食好多蘿蔔嘅蘿蔔糕,所以一定要自己整。(你廚藝得唔得?)Ok㗎!我『辣伙頭』嚟㗎。」身旁的阿正即搞笑表示:「我都好有經驗㗎,食嗰方面,哈哈!因為每年都食阿媽整嘅蘿蔔糕。」她又高興表示今年農曆新年可以放假。
問到會否買桃花催愛情運,阿正說:「前排同啲術數師一齊做嘢,佢叫我今年可以專心工作,因為我姻緣未到喎。(幾時到?)佢話31歲啦,要等2年,不過聽講桃花對做幕前都好嘅。(《膠戰》好大回響,有冇多咗工作財運好咗?)的確係接多咗工作,咁唔使花錢落去拍拖度,財運咪好咗囉,哈哈!」問到Dee姐感情狀況,她指暫時未有着落,但不否認有追求者:「有傾吓偈咁,觀察中囉。(有咩擇偶條件?要唔要好高?)唔使,我對外表冇乜要求,啱傾同善良就得。(193啱唔啱傾?)還好啦,我同阿Dee(何啟華)啱傾啲,2022年我想要財運多啲。」