張景淳「消失」《愛．回家》　單立文：紀律好緊要！

「龔燁」張景淳被傳因遲大到而被調離《愛．回家之開心速遞》，在今午（19日）劇集賀年宣傳活動上，連「離家」多時的周嘉洛亦獲安排歸隊，唯獨不見張景淳蹤影。「長腳蟹」呂慧儀被問到此事，即為「老公」護航表示：「佢嗰日冇遲到，但我唔可以代佢答，可能一個傳一個講到咁嚴重。都希望大家守啲紀律啦，唔會影響晒成個劇組進度，但都明白有時有緊要嘢會遲到，希望大家互相幫忙，做多啲啲，日後可以長拍長有。」

至於單立文則意有所指：「都拍咗5年，紀律好緊要，珍姐（曾勵珍）成日講，唔能夠一個人犯錯而影響成個劇組，所以我係好認同。我成日都聽前輩講，準時係基本嘢，我入晒腦，唔好咁多藉口，如果真係有事，就打返嚟交代一聲！」