望MIRROR一齊演喜劇 Lokman最想挑戰反派
20220120
東網電視
更多新聞短片
MIRROR三位成員,包括隊長楊樂文(Lokman)、邱士縉(Stanley)及陳瑞輝(Frankie)一同參演的ViuTV新劇《IT狗》剛開始播出,Lokman演技更獲網民大讚,劇中角色非常自戀的他說:「第一次做呢類甩皮甩骨角色。(點拿捏?)導演叫我將平時喺舞台上嘅自信放入去化做自戀去演。」
首次拍劇的Frankie坦言為角色做足功課:「角色比較陰沉,所以上網睇定啲『負能量語錄』。(其他兄弟有冇教路?)佢哋同導演都有教我。」戲份相對較少的Stanley則笑稱絕不介意:「我個角色明顯係為第二季鋪路,如果有嘅話,哈哈!(戲份少咪冇難度?)每次拍劇會拍唔同演員、劇組,要重新培養默契,會有唔同嘅火花。」他笑稱拍喜劇最重要留意工作人員反應:「每次拍完見佢哋笑晒就應該冇問題。」
三子也期望能繼續拍劇,Frankie表示想試演正經劇,Stanley則希望嘗試極端角色:「重病或大英雄之類,咁先夠挑戰。」Lokman即搞笑稱:「反派先夠吃香嘛!做反派做到大家都同情你,覺得你『佢唔係咁衰㗎』,咁先賺晒!(有冇考慮三兄弟再合作?)其實我哋有傾過,最希望MIRROR 12個一齊演喜劇,一嚟喜劇可以放啲,加上大家已經好熟,有意見就講唔會就住,件事自然做得更好。」
Hair : Denny Ku @ Chic Private l Salon
Makeup : Rainbow Chung, Yumi Cheung @ Annie G. Chan Makeup Centre