莊鍶敏連接兩部新劇　唔使日曬雨淋好舒服

藝人莊鍶敏（前名莊思敏）（Jacquelin）最近拍攝《法言人》及《有種好男人》兩部劇集，分別跟馬國明及馬德鐘合作，最巧合是兩部劇的戲服都是紅噹噹，好有新年氣氛，她解釋：「我喺《法言人》入面做證婚律師，所以啲衫全部都係紅色，《有種好男人》就飾演人生教練導師，所以要着得好花姿招展。」

她稱兩劇都拍得好舒服，完全唔辛苦：「《法》所有場口都喺律師樓入面，間律師樓喺金鐘，我住中環，好近正到爆，而且套劇冇乜街景，唔使出街捱熱或者捱凍。另一套啲場口都係同啲有錢人一齊開Party之類。」她又指今次合作的藝員包括馬國明、林夏薇、丁子朗與李佳芯都剛在台慶頒獎禮獲獎，笑言可以沾一沾他們的旺氣。