網友寸唔識着衫　露半Bra陳聖瑜5字霸氣回應

應屆港姐陳聖瑜（Yvette）自入行後即備受器重，去年瞬即加入節目主持《讀心專家》，新劇《法言人》都預埋佢一份，加上甜美外貌加火辣身材，參選時已經人氣急升，自動升呢做無綫真女神。最近爆出第5波疫情，晚市堂食延長至2月3日，個個嗌晒救命，好似Yvette咁，佢都好懷念以前夜晚扮靚靚出街食飯嘅日子，近日佢就晒出舊飯局照，見索爆嘅佢以一襲超索貼身連身裙現身一間高級餐廳，更晒出33吋逼爆上圍，泰山裝上陣嘅佢更加露出半邊黑Bra，真係睇到網友噴鼻血。點知就有人留言，問佢係咪唔識着衫，似係覺得女神太暴露，不過出名Nice爆嘅Yvette就一啲都冇嬲，反而好溫柔咁回覆對方：「 I got my shawl with me haha（我有帶披肩！）」咁識做，唔怪得人氣有升冇跌。