方力申石修失散「父子」重聚　晒餅印合照

資深藝人石修和方力申（小方）多年來被指係「失散父子」，今年74歲的石修似食咗防腐劑唔識老， 就算拼埋係41歲的小方身邊都唔覺得好老，其實話兩兄弟都有人信！兩人近來終於有合作喇，仲要係演父子 ！昨日（19日）石修喺社交網上載了佢同小方的最新合照，並留言表示：「英皇電影『出租家人』石修、劉美娟、方力申 合演一家人、與導演劉偉恒合影」相中兩人相似程度，似足真父子。

而演藝圈縱橫多年的石修，保養得宜，愈老愈有魅力，獲網友大讚風度翩翩，「修哥真係保養得好好，個look好後生」。