本日日本:未來的家具?機械人梳化有辦你睇

2022年01月20日 18:00
東網電視
更多新聞短片
福岡縣大川市為宣傳而製作的內置機械人梳化「Robot家具」,可透過遙控可將梳化前後左右移動,甚至旋轉。(互聯網)
隨着科技的發展,機械人的用處也愈來愈多。以「木造家具小鎮」馳名的日本福岡縣大川市,最近就在視訊網站發布了一段名為「Robot家具」的短片,片中出現了一張可載人移動、內置機械人的梳化,當堂在網絡掀起了話題!該梳化其實係大川市為了宣傳,特別拜託市內家具生商炮製的「未來的家具」概念作品。特別之處係梳化下藏有自動搬運機械人「TiTra G500」,透過遙控可將梳化前後左右移動,甚至旋轉。由福岡市機械人生產商匠(Takumi)出品的「TiTra G500」,原是物流倉庫用來搬運重物的機械人,可以承重達500kg,因此體積也有咁上下分量,負責製作梳化的家具商丸庄表示既要有足夠空間擺放機械人,又要確保坐得舒適,同時兼顧外形美觀,其實頗具難度,因此梳化比普通設計略高,但保留簡約外形,易於配襯不同家居風格。有了這張梳化,就可以隨時轉換家具的擺位,就算長者都可輕易搬動,甚至可作小朋友的玩具。不過暫時未有大量生產的意思,只會透過Twitter的活動(即日至2月13日)送出這張全球唯一限定版,有興趣的朋友不妨留意。