連詩雅趕返港過農曆年　攬實愛犬講BB話

藝人連詩雅（Shiga）北上搵人仔兩個月，終於趕及在農曆新年前回港，而Shiga一返到香港竟然唔係攬實男友陳家樂，而係即刻攬實愛犬，佢上載照片上社交網，留言話：「她見到我好興奮，我見到她也好興奮，請體諒一下我對pinky的BB話」。而相中都見到Shiga鞋都唔除就在地上輕掃狗狗大講BB話，狗狗嗲爆枕在Shiga腿上，Shiga即時送上香吻。

好友周柏豪就搞笑留言：「除！鞋！」而好姊妹黃翠如也留言：「歡迎阿妹返閨」；網民就發現着上穿窿牛仔褲的Shiga膝頭瘀了一大片，憂心她痛不痛。