余思霆拍攝節目制服吸睛 自爆似中暑想嘔吐

2022年01月21日 10:02
東網電視
更多新聞短片
前華姐冠軍余思霆早前來港快閃兩周,便急急腳返台灣繼續開工,昨日便於社交網上載與金剛拍攝節目的花絮照。雖然有別於以往的性感噴血泳裝,但穿上消防員制服的思霆非常帥氣,可謂另類吸睛!大抵體驗了消防員的日常,令思霆深深感受到這份工作的艱辛,她留言自爆當日穿上重疊疊制服拍攝,結果爬完樓梯感覺似中暑,還有點想嘔吐,更說:「在影片中是完全感覺不到在那套裝備裏的我們有多悶熱,真的很難想像火場裏的英雄們是怎麼做到的!」
而思霆接受東網訪問時,透露拍攝時要着上重達20公斤的制服,過程間苦不堪言:「真係好重同好焗,仲要跑樓梯,記得當時只係拍緊第二個Item,仲有其他嘢拍,後來導演有叫我拍一半就算,之後走出嚟就得。但我覺得體驗就係要完成佢,唔可以半途而廢,唔可以因為少少唔舒服就放棄,真心想體驗唔同工作,好開心最後都堅持到。」