遲遲未返《愛回家》 周嘉洛新年願望最想返屋企

2022年01月21日 10:02
東網電視
更多新聞短片
藝人周嘉洛獲無綫力捧,目前正趕拍劇集《四十二章經》,搞到「回家無期」﹗談到拍攝《四》劇,他形容過程好玩兼刺激:「飛車戲我好鍾意,我本身冇電單車牌,想拍得型啲,所以特別上心,另外爆破戲都係我首次接觸。」
嘉洛笑言騎車戲自己其實「得個樣」:「因為有安排替身,我就負責近鏡騎上去做樣啫。(想考牌?)我擔心會有啲危險,因為電單車速度感好強,如果好似由將軍澳坐到入去元朗,我諗我都唔敢揀電單車﹗」談到首次接觸爆破場面的感受,嘉洛表示:「我覺得只要鏡頭拍到出嚟,就應該係安全嘅,所以都冇諗咁多。嗰場戲交代我被綁架,由江嘉敏同鄭子誠等人趕嚟營救,最激係江嘉敏,佢好似識輕功水上飄咁,每行過一個位跟住啲地雷就被引爆,佢先係最近距離嗰個,不過我哋安全措施做到足嘅。」他透露該劇如無意外將於農曆年前收工,當被問到新年願望,他表示﹕「好想『返屋企』(指歸隊《愛.回家之開心速遞》,同場希望大家都新年進步同身心愉快。」