吳若希野生捕獲陶大宇　網友重點係佢塊面？

藝人陶大宇因為「宇宙級」唱腔成網絡紅人，一首《倒轉地球》更加係令佢引爆大石頭，升價十倍。估唔到已為人母嘅歌手吳若希（Jinny）尋日（20日）就成功捕獲陶大宇，晒出合照：「What a miracle day！?十年唔出街，一出街食個Tea就撞到大宇哥，好想同佢一齊唱《倒轉地球》！」雖然相中嘅陶大宇望落鬼咁醒神，不過網民今次反而就將重點落喺Jinny身上！

因為啲相加晒「味精」，唔少人就嫌張相有啲失真，尤其Jinny個靚樣同昔日有啲出入，網民更直問：「點解你唔同咗樣嘅？」有人指出相中Jinny揀Filter重手咗，加上妝容同髮型問題，令佢五官同平時唔同，蘋果肌突出，睇嚟佢下次加Filter都要小心啲喇。