何雁詩晒最新孕照　上圍「升Cup」勁豐滿

藝人何雁詩與老公鄭俊弘早前宣布造人成功，仲率先公布BB性別係男仔，當時佢哋都有晒最新合照，見何雁詩雖然已經見肚，但因為鬆身衫關係，孕肚未算太明顯，呢日佢就喺社交網晒出最新孕照，見着上貼身衫嘅佢腹大便便，而且上圍明顯「升Cup」，相當豐滿，但塊面就未見水腫，依然Keep住靚樣。佢又晒出BB嘅超聲波照，並以「小雞髀」稱呼BB：「望住照超聲波見到嗰隻雞髀，畀啲信心自己，有時隻雞髀又會腳踢踢，又會安心啲，知道佢喺入面Ok。喺屋企花啲me time照顧自己，寫吓歌，浸吓浴，敷吓Mask，又有啲二人世界，因為遲啲就要爭取先有。煮吓飯，一齊睇吓電視，好好享受一下，希望一切順利。」