繼續暗戀阿Sir朱敏瀚　姚焯菲新歌5日吸42萬點擊

「國民初戀」姚焯菲（Chantel）因為參加《聲夢傳奇》一炮而紅，去年佢推出歌曲《原來談戀愛是這麼一回事》MV就叻女拎咗200萬點擊，今年佢再出新歌《靈魂伴侶》5日，MV點擊酊截稿前就已經穩袋42萬，MV仲搵埋「徐Sir」朱敏瀚一齊拍，大玩民初Feel結合學生Look，真係點睇都好有初戀感覺！

就連音樂監製Johnny Yim都喺社交網留言大讚Chantel新劇《青春本我》角色「無懈可擊」，《靈》更似足度身訂造：「李敏導演非常配合Chantel獨有的氣質而構思了這個場景，把這首只能屬於她的歌呈現。Chantel成功賦予這首歌靈魂。」