追星成功捕獲「金城武」！陳喬恩瘋狂集郵

台灣女星陳喬恩出晒名鍾意男神金城武，之前佢更曾經不顧馬來西亞富二代男友曾偉昌（Alan）呷醋，公開表白金城武指：「我甚麼時候能成功追星金城武呀？」近日佢終於「追星成功」，有機會親近「金城武」！

其實佢呢日係去到台東縣池上鄉伯朗大道嘅著名景點「金城武樹」打卡，由於當年金城武曾喺此樹取景拍攝，故因此命名。雖然陳喬恩未能見到真人，但有偶像同名嘅樹頂上都心滿意足，佢喺樹下拍照留念，又於花田大影寫真靚相，相當樂在其中，佢笑言：「和老金的樹融為一體」。