改唱跳形象！譚嘉儀每晚對鏡練足2粒鐘

歌手譚嘉儀應邀擔任TVB娛樂新聞台節目《StarTalk》的嘉賓接受主播許文軒專訪，大談一改歌路推出跳舞歌曲《Eyes On Me》感受，嘉儀直言沒有跳舞底子，為新歌而苦練舞步：「我只係喺出面學過幾堂，為咗呢首歌日日返屋企練習，鋪張瑜伽墊對住塊鏡去跳舞，每晚2個鐘頭，先至慢慢改善，執番自己啲動作。」錄音過程亦不輕鬆，開頭甚至有點吃力：「平時唱慢歌多，第一日錄音覺得自己好似唱兒歌咁，多謝監製同我諗咗個方法，就係扮唱韓文歌或者唔知咩文嘅歌，攞咗個氣氛後，先變番廣東話，之後真係好咗好多！」