聽蔡少芬「煩音」聽到忟!「港普王」陳小春甘心認輸

2022年01月21日 22:01
東網電視
更多新聞短片
憑《披荊斬棘的哥哥》人氣急升嘅藝人陳小春出名係「港普王」,點知近日佢同張晉亮相內地節目《哥哥的滾燙人生》,卻被張晉老婆、「港普之后」蔡少芬嘅普通話考起,相當搞笑。節目中陳小春正玩緊手腳協調遊戲,節目組就播出蔡少芬講普通話嘅聲帶作擾亂,令小春完全分晒心,仲聽到嬲一度發火,最後仲舉手投降,笑指對蔡少芬嘅「煩音」甘拜下風!至於蔡少芬則喺社交網轉發片段,留言表示:「我有個疑問,小春哥你和我的普通話不是半斤八兩嗎?怎會被整懵了?」