昆凌克服卵巢多囊症再佗B　食3大類食物可預防

台灣天王周杰倫（周董）同太太昆凌結婚7年，育有一對仔女，6歲女兒Hathaway同4歲兒子Romeo，日前周董宣布再度做老竇，表示將迎來虎B，仲好開心話：「是最美好的禮物。」昆凌大晒孕照，見到佢其手腳依然纖幼，撐住圓潤巨肚，保守估計已懷孕約7個月。其實昆凌曾經透露自己罹患多囊性卵巢症，有機會難以受再懷孕，好在經過治療同調理後順利終於可以再佗B！事實上卵巢多囊症係常見疾病，女士們點樣可以調節飲食，先可以有效預防卵巢多囊症呢？

3大類食物

有營養師指出於飲食中涉取纖維量、唔肥膩嘅蛋白質，以及富有抗氧化成分嘅食物，都有助改善及預防症狀。高纖食物包括有西蘭花、椰菜花、南瓜、番薯等，而不肥膩蛋白質有雞蛋、豆腐、雞肉、白肉魚等，抗氧化食物包括有番茄、菠菜、杏仁、三文魚等。

除此之外，應避免及減少進食精製碳水化合物，包括：白麵包、蛋糕、餅乾同含糖飲料，而誘發炎症的食物，包括加工肉類、炸物、醃製肉類等，以及可以多做運動嚟減少身體嘅脂肪。