老貓燒鬚！「潮人」周揚青失手驚現時裝災難

台灣舞王羅志祥舊愛、內地網紅周揚青自創潮流服裝品牌搞得有聲有色，被封「潮人」嘅佢更曾亮相內地真人騷《潮流合夥人2》，不過呢日佢拍片玩變裝，卻唔小心失手驚現「時裝災難」，真係老貓燒鬚！片中佢原本喺床上賴床，唔想出門滑冰，跟住鏡頭一轉，佢就換好新年裝束，喺冰地上踩單車，但重點係其造型，着上紅色老虎圖案上衣嘅佢，「土味」濃之餘，仲因為擁腫設計，令身形漲足幾個碼，不過有粉絲就力撐呢個只係佢私底下嘅輕便打扮，不用太苛刻。