又抽姜濤水?《愛‧回家》「蔥頭」遭私生飯滋擾

2022年01月22日 12:14
東網電視
更多新聞短片
處境劇《愛‧回家之開心速》緊貼時事,甚至多次「神預言」,其中由丘梓謙飾演嘅當紅偶像「蔥頭」,一直被指似足MIRROR人氣王姜濤,而昨晚(21日)播出有關蔥頭嘅劇情,再次同姜濤現實中嘅經歷「神同步」接軌,跟車勁貼!劇情講到蔥頭搬新屋,豈料地址意外曝光,招惹大批「私追」粉絲日日企喺大廈大堂等偶像出沒,連保安、清潔工人都係「蔥粉」,甚至有記者出動航拍機追訪蔥頭,令同住同一大廈嘅「熊尚善」滕麗名大感困擾!
雖然劇情略為誇張,但現實中姜濤早前就因被粉絲「私追」令居所曝光,私生活嚴重被侵襲,導致他爆Seed:「請真的給我一點空間」,並急急另覓新居,與《愛‧回家》劇情一樣,而事件爆出與昨晚播出集數只相差不足1個星期,不少網民都大讚《愛》劇組有料,能夠緊貼熱話。