養生特飲湯品 強身抗疫

2022年01月22日 14:00
東網電視
更多新聞短片
第五波疫情殺到,除了勁消毒和注意個人衞生,保持良好體魄都好重要。香港人愛飲湯水和涼茶等養生補身,坊間亦因應疫情推出不同的配搭的湯品和特飲,得閒飲番碗,強身健體,感覺都健康啲。
7日套裝
滋潤的湯水幾時都咁受港人歡迎,但要日日煲湯又未必有時間,靚湯Souper因應疫情推出走佬隔離檢疫套餐 ,當中包括有2包雪耳木瓜燉雞腳湯、2包赤小豆薏米煲排骨湯,鱆魚蓮藕煲豬手湯、雪梨無花果百合南北杏豬𦟌、番茄薯仔洋葱牛𦟌湯各1包,套餐價錢已包運費,無論在家或被迫檢疫的話,都可以日日飲番碗靚湯。
養生靈芝
坊間有很多富營養而有益的食材,揀啱來沖泡飲品或煲湯,或會有意想不到的功效。鴻福堂和有機靈芝品牌天然養生Mytianran合作,推出冬日養生靈芝特飲和乾湯料包。特飲包括有機白玉靈芝海底椰雪梨飲和有機血靈芝茯神蘋果飲,前者清肺潤燥,後者補氣養顏。另外,足3至4人用的有機赤靈芝健脾淮杞湯料包,除有機赤靈芝,還有百合、杞子、蜜棗、淮山和陳皮,只要加瘦肉和清水煲3小時便成,有健脾益心的作用。