周迅前夫︱高聖遠長髮辣妹新歡被起底　原來係知名企業家

影后周迅與美籍華裔演員高聖遠的婚姻只維持了6年，兩人於2020年底離婚，當時高聖遠流出咀女相，周迅疑似被出軌，不過出名硬淨嘅佢，又點會咁易被打擊，好快離婚未夠一年就傳出疑撻着比佢年輕13歲，內地樂隊結他手卓越，發展「姊弟戀」，真係鬥快搵新歡，各自各精彩！

外間聚焦於周迅嘅戀情，但佢前夫高聖遠都唔弱，早前喺社交網嘅限時動態中，轉發咗兩張同1位長髮辣妹嘅相片，對方開心咁話一齊嘅時光好開心，網民即刻將呢位長髮辣妹起底，原來佢個名叫阮圖妮，而背景仲好強勁，係知名越南女企業家，目前住喺美國，而佢社交網有多張性感相，身材火辣，大晒完美曲線及事業線，有樣有身材有錢真係冇得輸！不過翻查高聖遠離婚當時咀女相，就未知是否與呢位長髮辣妹係同一人，不過大家都好羨慕高聖遠，因為佢「食」完影后再「食」企業家，簡直係人生大贏家！