衛詩雅化身工廠女工整蠟燭 最後搞到「工傷」!

2022年01月22日 17:01
東網電視
更多新聞短片
藝人衛詩雅(Michelle)擁有專業鑽石鑑定證書、導遊牌、車牌、救生員拯溺章、船主牌、大偈牌、潛水牌、初級中醫證書、寵物傳心術、戲劇表演班證書,堪稱「娛樂牌王」。最近她又一成就解鎖考獲「Korea Natural Design Association(KNDA)蠟燭導師」,更小試牛刀自製蠟燭進軍新年「大乾爹市集」。
發生蝦碌事
原來她擺檔跟「富貴KOL」雪姨有關:「因為有一次同雪姨做嘢,佢見到我啲蠟燭覺得好靚,全部手造,佢就叫我不如試吓去佢到擺市集玩吓,於是我就嘗試吓。」首次擺市集,她坦言雖然緊張,但未有遇到大難題,反而發生不少蝦碌事:「好多甩漏,例如我唔記得買袋,人哋買走嘅時候冇袋畀人、唔記得買枱布,最後用咗自己屋企塊窗簾等。」她自製蠟燭並非「玩玩吓」,認真到可考牌:「我不嬲都好鍾意啲手作嘢,有一次見到呢啲手造蠟燭好靚,就去咗學,順便考埋個導師牌,睇吓到時有冇機會教吓人咁啦,但應該唔會,因為我覺得我教人有啲難。」
擺市集期間,她表示客人非常熱情,最難忘是原來每位客人都有看她的頻道:「呢啲我都好難忘、好開心,佢哋講到晒我每條片嘅Details。」除此之外,為了今次市集,她化身工廠女工,日日親手整蠟燭,最後搞到「工傷」:「因為我每一杯都係自己整,整到手好攰、好痛,有一日起身嘅時候隻手屈唔埋,我就好驚!呢個真係好難忘,因為驚隻手有咩事,不過隔咗兩日就好番。」