攞完視帝唔鬆懈︱譚俊彥Keep住完美身形繼續節食

藝人譚俊彥憑無綫劇集《換命真相》勇奪《萬千星輝頒獎典禮2021》視帝寶座，對他來說是為2021年畫上一個完美句號，早前他接受東網訪問，提到拍攝該劇時撞正要為另一套劇集《拳王》客串，當中更有一場打擂台戲份，為了呈現完美身段，即使每日收工攰到爆，但仍頂硬上落街跑幾公里，另方面亦進行168斷食減肥法，他說：「都真係好辛苦，但我都堅持住，好在觀眾睇到播出街都收貨。（身形Keep到依家？）咁難先Keep到唔想咁快冇咗，所以我都有繼續節食，但冇之前咁誇張，覺得依家呢個狀態係最弗，除非有套劇要我做肥仔啦！否則唔會咁易放棄。」