成都旅行去「掃街」︱張晉蔡少芬貼地式晒恩愛

唔知係咪因為台灣歌王王力宏同前妻李靚蕾嘅毁滅式離婚，發放咗太多負能量，所以圈中好多對模範夫妻就公開晒恩愛，想畀番啲正能量大眾。繼張智霖、袁詠儀喺網上晒電話Wallpaper內藏「我愛你」密碼後，又輪到另一對老夫老妻張晉、蔡少芬公開晒幸福。

張晉喺社交平台甫同嬌妻蔡少芬去成都嘅旅行相，雖然唔係去名店買包包，亦都唔係去六星級酒店食啲貴夾唔飽嘅富貴餐，而係去咗好逼人嘅街邊掃平民小食，但係有摯愛相伴，真係鹹魚白菜也好好味。

喺相中，張晉帶老婆去咗食大碗麵，食飽飽就去行街街，行到攰又轉場喺貼滿「愛的便條」嘅情人牆影靚相，老公幫老婆影完，又到老婆幫老公影，最後梗係要自拍張高炒合照，見蔡少芬挨個頭埋張晉嘅肩膊度，就知佢畀老公冧到爆，笑得特別燦爛。