相隔2個月返港即遇不幸事件!陳家樂愛車死火急Call拖車

20220123
東網電視
更多新聞短片
藝人陳家樂與女友連詩雅(Shiga)早前分別北上開工兩個月,繼早前Shiga返港後,陳家樂近日亦緊接回港,前後腳回港團聚度新春。去年好運連連、又中六合彩又巧遇偶像周潤發嘅家樂,踏入新一年卻遭遇「不幸事件」,好運王慘變黑仔王!呢日佢本來想揸車,但發現愛車死火,點都開唔郁,佢指:「架車兩個月冇人掂過...佢依家唔比我掂...唔知係架車冇電,定我車Key冇電,唔想一返嚟就拖車」,但最終佢都冇晒辦法,始終要出動拖車,愛車臨被拖走前,佢仲好不捨咁表示:「冇事嘅,好快返嚟㗎啦,呢幾日乖乖哋啦!」