陶大宇愈唱愈紅出埋賀年歌　預告有《倒轉地球》Feel

憑歌曲《倒轉地球》在內地愈唱愈紅的藝人陶大宇，今日（23日）出席香港開電視賀年節目《名廚虎年賀新春》錄影，他透露最近錄了一首賀年歌：「係由3首賀年歌串燒埋一齊，首歌有少少《倒轉地球》感覺，而且有個字加咗落去，就係『噓』，呢個元素一定要有。」

問到會否為新歌排舞？他說：「唔使，拍咗少少錄音嘅花絮當MV，其實本來想出去拍，但呢個時期比較敏感，所以擱置咗，首歌幾呢日就會放上網。（會唔會有招牌水撥動作？）呢首歌唔啱。（會唔會轉做歌手？）唔會，玩就會。（網民選你做我最喜愛的男歌手。）雖然知道佢哋係講笑，但聽到都開心。」問到會否再拍劇？他直認有洽談中：「其實之前都有搵過我，但我太挑剔，加上時間配合唔到，所以冇成事，我都想拍劇，我係因為冇戲拍，所以先轉咗去唱歌，如果又唔得，我就轉去玩魔術。」他指兩年前也拍過一套網劇，但至今仍未播出，劇中飾演蔡卓妍的爸爸，覺得甚有挑戰。