夏木铃　天真无邪小恶魔

有人话：“男人唔坏，女人唔爱。”同样道理，唔少男人都锺意同啲曳妹交往，贪佢哋喺床上够主动，唔会呢样又Say No嗰样又唔得，而喺日本AV界，呢类女优被归类为“小恶魔”，当然佢哋嗰种恶，只限于喺床上玩弄男优，令对方高潮迭起。今日为大家介绍嘅女优夏木铃，就系小恶魔系嘅新贵！

葵司接班人

日本AV界有唔少女优都Keep得好弗，好似AV大厂S1嘅专属大姐级女优葵司，喺AV界活跃咗11年，状态一啲都冇跌Watt，甚至愈战愈勇，佢仲红到有机会踩过界，到台湾拍电视剧添！不过，葵司再掂，始终有引退嘅一日，身为AV迷，当然希望有质素相若嘅接班人出现啦！今年23岁嘅夏木铃，绝对系最佳人选。个样生得天真无邪嘅铃妹，双眼劲精灵，同年轻时期嘅葵司有几分相似，好得人锺意。身材方面，葵司喺AV女优中算系高挑，而铃妹比佢仲要高多一吋，加埋胸前对斤両十足嘅E CUP美乳，更显得凹凸有致。

成张床湿晒

铃妹喺2021年4月正式登场，据一手发掘佢嘅AV厂FALENO透露，呢位长腿美女系一位就读教育课程嘅大学生，本来想做女教师，后来发现拍AV先系自己嘅兴趣，所以毅然入行。讲真铃妹嘅外在条件真系好啱拍AV，敏感度非常高，当三点被男优刺激，身体就会不自觉咁颤动，肉紧到五官扭曲，仲经常喺男优嘅指技刺激下爆发潮吹，搞到成张床都湿晒！值得一提，铃妹近期开始走小恶魔路线，见到佢用天真纯情嘅眼神望住镜头，同时对男优百般玩弄，令对方欲仙欲死嘅场面，不期然谂起葵司嘅演出，真系正到痹！