人美心善！瑪姬虎年Look派米給基層人士

人美心善的前DJ瑪姬，早前現身粉嶺聯和墟參與關愛長者賀年活動，私人捐贈200包福米派給基層長者及貧困單親家庭，當日她穿上老虎衫，襯同款老虎仔口罩，悉心打扮一番，希望令公公婆婆感受到節日氣氛，施比受更有福，她直言愈派愈開心，她表示：「疫情反覆，呢兩年大家喺生活上都承受唔少壓力，何況基層人士，希望呢啲少少心意同關懷可以令佢哋過一個比較溫暖嘅農曆新年啦！今日全靠義工們嘅幫忙，大家都好有秩序，成個過程都好順利。」

提到第五波疫情亦令她的司儀工作全面剎停，她表示去年底疫情稍為緩和，市況露出曙光，誰知Omicron殺到，她直言：「一日之內冇咗6個Job，不過經歷過前四波疫情，都已經習慣咗。」慶幸其經營的髮型屋生意未受太大影響，而趁這段空閒時間，亦開始投資股票，測試眼光。

另外，瑪姬去年7月開始舉行線上慈善音樂會，本月（26日）將舉行第五場，目標希望開十場。她亦計劃推出新歌，她說：「對上一次擁有自己嘅歌已經係10年前嘅事，同埋希望可以舉行一個小型實體音樂會，咁就已經心滿意足喇！」