山系女神向高難度挑戰！曾淑雅危企望夫石騷腹肌

近日再掀行山熱潮，一眾山系女神再度出動，仲將難度升級，「長腿女神」曾淑雅（Jumbo）就登上獅子山，仲攀上望夫石影打卡靚相，見佢企喺石邊，僅挨住石身借力，相當牙煙，但見佢居高臨下，加上大晒結實腹肌，畫面震撼又養眼！

另邊廂，36E咪神陳婉衡亦有上山，佢就去到有「香港三尖」之稱嘅西貢蚺蛇尖，佢笑言：「一直都好想挑戰嘅『蚺蛇尖』，今次終於完成咗啦！雖然行到鞋都爛埋，但好滿足。」見佢預備兩支行山杖，裝備齊全，但同Jumbo相比就較為密實，全身包到冚。