相隔28年神還原方唐鏡！吳啟華零變化封不老男神

藝人吳啟華拍過唔少電視劇及電影，要數經典嘅電影作品，絕對唔少得喺《九品芝麻官之白面包青天》飾演方唐鏡，佢與周星馳飾演嘅「包龍星」對罵一幕至今仍喺唔少觀眾心中留下深刻印象，近日佢相隔28年，再次化身「荒唐鏡」重演該經典場口，見佢着上唐裝，七情上面咁表情、動作全部跟到足，就連被人打嘅受傷妝都神還原，最勁係佢相隔咁多年再做同一角色，外表依然零變化，絕對係「不老男神」！