王虹茵電視城停車場「撞邪」　靈探機爆錶嚇到癲

由無綫一班年輕仔女拍攝的J2實驗式靈探節目《搵鬼去電視城》，並於晚上黃金時段推出，王虹茵（Sharlene）、胡敏芝、黃翠瑩、劉倬昕、徐文浩（Fred）及布樂文輪流擔任「探靈勇者」，與「靈異顧問」徐加晴及Jessica Yau齊齊深入傳聞中電視城「猛鬼之地」。而今晚（24日）播出最後一集中，探靈地點是電視城的停車場，「探靈勇者」分別為Sharlene及Fred。首先出發的Sharlene拿着靈探機在停車場四處探測，期間靈探機突然瘋狂「爆錶」，一直未能回復「平靜」，Sharlene見狀嚇到雙手狂震：「好驚呀！拍咗咁耐呢個節目，我都係第一次見到靈探機咁，我懷疑周圍有好多（靈體）！」

而第二位出發的徐文浩走入極少人使用的後樓梯，他沿着不規則三角形設計的樓梯探索，最後誤闖神秘地方，Fred在節目中表示四周環境猶如醫院殮房一般，聽落令人心寒！Fred忍不住說：「呢度真係好奇怪，唔知咩地方嚟？」最後他去到停車場最陰森的一層，手上的靈探機亦即時有反應，他說：「加晴話呢度係最多靈體嘅地方，有幾十隻喺呢一層！」Fred又透露拍攝這一集前，曾與製作組前來睇景，但當天發生詭異事件，Fred更嚇到逃跑。