奉旨放閃！林作爆裕美愛食「條狀嘅嘢」

藝人裕美與男友林作以情侶檔為香港開電視節目《世界零食開倉戰》，今明兩日（24、25日）擔任嘉賓，介紹各地最令人意想不到的零食。期間二人試食不同口味的糖果，又大晒恩愛，除不時攬攬外，更「互餵」打情罵俏，難怪就連主持人朱薰亦指二人甜到漏，笑言好閃，要戴太陽眼鏡。

節目開首，林作自言因為食得糖多，所以口甜舌滑，討好好多女仔，笑謂自己有「糖」尿病，而裕美則表示：「要Sweet使乜靠男人，天下間有咁多唔同類型糖果，梗有一款啱口味，不過糖果可以食好多種，但男友只可以揀一個。」真係甜到在旁人士都頂唔順。林作又直呼裕美做「美美」，更展示裕美最喜歡吃的條狀水果軟糖，身旁裕美即坦言：「鍾意食條狀嘅嘢。」

裕美之後亦親自上陣炮製「愛之雪花酥」餵愛郎林作，為了令林作有「難忘」感覺，她在炮製過程中放入山葵（Wasabi），不過林作似乎非常受落，被朱薰問到：「食到愛的味道嗎？」林作即表示有，形容味道幾好，令其他主持人全中計，當他們試食時均表情扭曲，狀甚惹笑。